Epistola ad Galatas*
Caput 1: Versus 15
Cum autem placuit.Quasi dicat: Tunc apparet me non didicisse, sed nec post.Segregavit ex utero matris.Unde de Jeremia legitur:Priusquam te formarem in utero, novi te[Jerem. 1.]. Qui ergo praescit futuros antequam sint, quoscunque vult nasci, facit ut sint, et jam natos quos vult per gratiam vocat ut justi sint, sicut Paulum vocavit per gratiam, ut annuntiaret Christum.Ex utero.Mater, Synagoga; uterus ejus et secretarii ejus sunt Pharisaei, de numero quorum separatus est.